உயிர்ப்பை
நிரூபிக்க, செத்துக் காண்பிக்க
வேண்டியிருக்கிறது.
மாதவிலக்கென்பதை
மறைத்து வாடிக்கையாளனை
அழைக்க வைக்கிறது.
சாக்கு போதுமானதாய்
இருக்கிறது காசல்ல,
குடிக்க
விவாகரத்தை
பற்றிப் பேசிய இரவில்
கனவில் வந்து தொலைக்கிறாள்
என்னை யாசித்த பெண்
கற்பழிக்கிறவன் தருகிற
முத்தமென விமர்சனங்கள்
கடவுள் மட்டுமே மிச்சமிருக்கிற
நம்பிக்கைகளின்
குதிரைகள் சாத்தான்களாய் இருக்கின்றன.
நெஞ்செரிய புகைத்து
கழிகிறது கசப்பின் வலி...