 |
கவிதை
அழத் தெரியாத கடவுள் பற்றி
அறிவுநிதி
நிலவற்ற மழை இரவில்
அவனுக்கும் எனக்கும் ஒரு விவாதம் தொடங்கியது
கடவுள் பற்றியும் மழை பற்றியும்
கடும் சொற்களை வீசுகிறான்
சொற்கள்கொண்டே தடுக்கிறேன்
எதிர்க்க முடியாத சொற்கள் நேராக என்மீது
மழையை என் கண்களில் வடித்துக்காட்டியும்
கடவுளின் செயல்களை உச்சரித்தும்
விவாதம் திசை திரும்பவில்லை
நச நசக்கும் மழையும்
பெருங்கொண்ட மழையும்
அவனது அவநம்பிக்கையானது
கடவுளை மழைக்குள் எறிகிறான்
கடவுள் நனைந்துகொண்டு
எனக்கு சாதகமாகவே பேசத் துவங்கினார்
மழையும் மழை கலந்த வாழ்க்கையுமென
அவன் ஒரு வன்முறையாளனைப் போல
எதிர்கொள்ளமுடியாத கோபம்கொள்கிறான்
மழைவெள்ளத்தின் இழப்பு பற்றியும்
அழத் தெரியாத கடவுள் பற்றியும்.
தொடர்பு
- அறிவுநிதி ([email protected])
இவரது மற்ற படைப்புகளைக் காண இங்கே அழுத்தவும்
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
|
|
