கீற்றில் தேட...
அண்மைப் படைப்புகள்
- சாதி ஆணவப் படுகொலைகளை தடுக்கத் துப்பில்லாத திமுக அரசு
- அப்பட்டமாக வெளிப்பட்ட நடிகர் விஜய்யின் கோர முகம்! ஆர்எஸ்எஸ் பிஜேபியை விஞ்சிய தவெக!!
- தொல்லியல் அறிஞர் வி.கார்டன் சைல்ட் (1892-1957)
- சித்தாவுக்கு முன்பாகவே இராவணன் உருவாக்கிய சிந்தாமணி மருத்துவம்
- மாஞ்சோலை தொழிலாளர்களின் நீதிக்கான போராட்டம்
- துஷ்பிரயோகமெனும் துண்டித்தலும் ஊமையான ஒலிவாங்கிகளும்
- வடிவமற்ற சர்ப்பம்
- சத்தியமூர்த்தியின் தற்கால ஞானோதயம்
- தனிச்சட்டமே தீர்வு!
- அரசின் அலட்சியமே கள்ளக்குறிச்சி மரணங்கள்
அறிவியல் ஆயிரம்
- விவரங்கள்
- பாண்டி
- பிரிவு: விண்வெளி
நமது சூரிய குடும்பத்தில் கடைசி கோளாக அறியப்பட்ட புளூட்டோ என்ற சிறிய கோள் கண்டுபிடிக்கப்பட்டு 90 ஆண்டுகள் நிறைவடைந்துள்ளது. 2006 ஆம் ஆண்டுக்கு முன்னர் வரை நமது அறிவியல் பாடத்திட்டத்தில் புளூட்டோ என்பது 9 ஆவது கோளாகவே அறியப்பட்டது. ஒரு கோளுக்கான எந்த ஒரு பிரத்தியேக தனித் தன்மையும் அதனிடம் இல்லையென இந்தக் கோளை ஆகஸ்ட் 2006ல் The International Astronomical Union (IAU) என்ற அமைப்பு 'dwarf planet' என அறிவித்து விட்டது.
IAU அமைப்பின் கூற்றுப்படி ஒரு கோள் என்றால் அதற்கென சிறப்பம்சங்கள் இருக்க வேண்டும். கோளுக்கான மூன்று சிறப்பம்சங்கள்: 1. சூரியனைச் சுற்றி (It is in orbit around the Sun) நீள்வட்டப் பாதையில் சுற்றி வர வேண்டும் 2. போதுமான நிறையோடு (It has sufficient mass to assume hydrostatic equilibrium) வட்ட வடிவில் இருக்க வேண்டும் 3. ஒரு ஈர்ப்பு விசையை உருவாக்கி தனது நீள்வட்டப் பாதையில் சுற்றியுள்ள பொருட்களை (It has “cleared the neighborhood” around its orbit) ஈர்பதாக இருக்க வேண்டும். அதாவது, அதன் சுற்றுவட்டப் பாதையில் இருக்கும் பிற பொருட்களை (objects) தன்னுள் ஈர்த்து அந்தப் பாதையை தனக்கு மட்டும் உரியதாக மாற்றிக் கொள்ளவது. மூன்றாவதாகக் கூறிய கோட்பாடு புளூட்டோவுக்கு இல்லாததால் இதனை 'dwarf planet' அட்டவணையில் சேர்த்து விட்டார்கள்.
புளூட்டோவுக்கு தனியாக ஒரு சுற்றுவட்டப் பாதை இருக்கிறது. ஆனால், பல நேரங்களில் பக்கத்து கோளான நெப்டியூன் சுற்றுவட்டப் பாதையில் சுற்றி வெளியே வந்து விடும்.
ஒன்பதாவது கோள் இருப்பதற்கான சாத்தியங்கள் இருப்பதாக 1894 ஆம் ஆண்டே Lowell Observatory in Flagstaff, Arizona -வில் உள்ள ஆராய்ச்சிக் கூடத்தில் அதற்கான ஆராய்ச்சியை மேற்கொண்டனர். அதற்கு 'Planet X' எனவும் பெயர் சூட்டியிருந்தனர். ஆனால், 1930 ஆம் ஆண்டு பிப்ரவரி 18 -ல் தான் அதற்கு ஒரு முழுமையான புகைப்பட வடிவம் கிடைத்தது. அதைக் கண்டுபிடித்தாவர் விண்வெளி ஆராய்ச்சியாளர் Clyde W. Tombaugh. அப்போது அவருக்கு வயது 23. இரவு நேரத்தில் விண்வெளியைப் படமெடுத்து அதனை blink comparator என்ற இயந்திரத்தின் உதவியால் பலமுறை ஒப்பிட்டுப் பார்த்து ஒரு புகைப்பட வடிவத்தைக் கொண்டு வந்தார். அப்போது அந்தக் கண்டுபிடிப்பு உலகமுழுவதும் பரவலாக பேசப்பட்டது.
இதற்கு வேறு ஒரு புதிய பெயரை வைக்க வேண்டும் என 1000-க்கும் மேற்பட்ட பெயர்கள் பரிசீலித்து, கடைசியில் இங்கிலாந்தில் வசித்த 11 வயது சிறுமி Venetia Burney தேர்ந்தெடுத்த 'Pluto' என்ற பெயரை சூட்டினார்கள். புளூட்டோ என்றால் ரோமானிய கற்பனைக் கதைகளில் வரும் நிழல்உலகக் கடவுளின் பெயர். அறிவியலுக்கும் கடவுளுக்கும் சம்பந்தம் இல்லை. 'Pluto' என்ற பெயர் அவர்கள் பரிசீலித்த 1000 பெயர்களில் ஒரு பெயர். அவ்வளவுதான்.
மூலம்:https://www.loc.gov/everyday-mysteries/item/why-is-pluto-no-longer-a-planet/
புளூட்டோ நிலவை விட சிறியது. பார்ப்பதற்கு இதயம் போன்ற அமைப்பாகக் காட்சியளிக்கும். அதன் மொத்த ஆரம் (radius) 715 மைல்கள் (1,151 கிலோமீட்டர்). மொத்த பரப்பளவு 1400 மைல்கள் (2380 கிலோமீட்டர்). சூரியனிலிருந்து சுமார் 3.7 பில்லியன் மைல்கள் தொலைவில் உள்ளது. பூமியிலிருந்து 40 மடங்கு அதிக தொலைவில் இருக்கும் இந்தப் பகுதியை 'kuiper belt' என அழைக்கின்றனர். இதில் ஒரு நாள் என்பது 153 மணி நேரங்கள் ஆகும். அதாவது, பூமியின் 6 நாட்கள் சேர்ந்தது தான் அங்கு ஒரு நாள்.
பாறைகள் மற்றும் பள்ளத்தாக்கு நிறைந்த பகுதி. இதில், மீத்தேன் மற்றும் நைட்ரஜன் மூலக்கூறுகள் அடங்கிய வாயுக்கள் 'frost coat surface' போன்று அதிகம் காணப்படுகிறது. இங்கு வெப்பநிலை -375°F முதல் 400°F வரை இருக்கும். புளூட்டோவின் மேற்பரப்பு அதிகளவில் குளிர் நிறைந்த பகுதியாகும். புளூட்டோவுக்கு ஐந்து துணைக்கோள்கள் இருக்கின்றன. அதில் பெரியது 'Charon' ஆகும்.
ஒருவேளை நாம் புளூட்டோவில் வசிப்பதாக இருந்தால் 248 பூமியின் ஆண்டுகள் கழித்துதான் நமது முதல் பிறந்தநாள் வரும்.
Source:https://www.pri.org/file/2020-02-19/happy-birthday-pluto
- பாண்டி
- விவரங்கள்
- வெ.சீனிவாசன்
- பிரிவு: விண்வெளி
சில வாரங்களுக்கு முன்பு அனைவருடைய விவாதப் பொருளாகிப் போனது. பெரும்பாலானவர்களுடைய சமூக வலைத்தளங்களில் பகிரப்பட்ட ஒரு புகைப்படம் கருந்துளையின் சமீபத்திய முதல் படம். சுமார் ஒரு நூற்றாண்டுக்கு முன்பு அதீத அறிவியலாளர்களால் விவாதிக்கப்பட்ட ஒரு கருப்பொருளை, இப்பொழுது வரை நாம் வெறும் சூத்திரங்களாகவும், தேற்றங்களாகவும் காகிதத்தில் எழுதி வைக்கப்பட்ட ஒன்றை உண்மை என நிரூபித்துள்ளோம். கருந்துளையினைப் பார்த்த முதல் தலைமுறை நாமாகத் தான் இருப்போம்.
இந்த கருந்துளை பூமியில் இருந்து சுமார் 55 மில்லியன் ஒளி ஆண்டுகள் (ஒளி ஓர் ஆண்டில் பயணிக்கும் தொலைவு ஓர் ஒளி ஆண்டு எனப்படும். ஒளியின் வேகம் வினாடிக்கு 3 லட்சம் கிலோமீட்டர்கள். அதாவது அது ஓர் ஆண்டுக்கு 9.5 லட்சம் கோடி கிலோமீட்டர் பயணம் செய்யும். அது ஓர் ஒளி ஆண்டு என கொள்ளப் படுகிறது) தொலைவில் உள்ளது. மேலும் அந்தக் கருந்துளையானது நம் சூரியனின் எடையைப் போல் 60 லட்சம் மடங்கு பெரியது. இப்பொழுது யூகித்துக் கொள்ளுங்கள் அது எவ்வளவு பெரியது என்று! இந்தக் கருந்துளை ஒரு அண்டத்தின் நடுவே அமையப் பெற்றுள்ளது. அதன் பெயர் Messier 87 என சூட்டப்பட்டுள்ளது. EHT எனப்படும் Event Horizon Telescope மூலம் இது படம் பிடிக்கப் பட்டுள்ளது. வானவியலாளர்களின் நூற்றாண்டு காலக் கனவு இந்த கருந்துளை புகைப்படம். அடிப்படையில் இது ஒரு புகைப்படமே அல்ல. இது போன்ற ஒரு கருந்துளையைப் படம் பிடிக்க வேண்டுமானால் பூமியை விட பெரிய ஒரு தொலைநோக்கி / அல்லது interferometer எனப்படும் அலைவரிசையை இடைமறித்து அதில் உள்ள தகவல்களை தரவிறக்கம் செய்யும் கருவி வேண்டும். அவ்வளவு பெரிய ஒன்றை கட்டமைக்க இயலாது என்பதனால் உலகமெங்கும் எட்டு கருவிகளை நிறுவி அவற்றின் மூலம் கண்காணித்து வந்தனர். இந்தக் கருவிகளின் மூலம் நீண்ட தொலைவில் உள்ள அதீத ஈர்ப்பு விசைப் பகுதியினை ஆராய முடியும். மேலும் கருந்துளையின் முகப்புப் பகுதியில் ஒளி எப்பொழுதும் அதன் முழு வேகத்தில் இயங்கும். இப்படிப்பட்ட ஈர்ப்பு விசை வேறுபாடு கருந்துளையின் மையம் மற்றும் அதன் விளிம்பினை வரையறுக்க உதவும்.
Image credit: Katie Bouman
இந்த EHT எனப்படும் கருவியின் மூலம் நிகழ்வு பரப்பெல்லையை (EVENT Horizon) தீர்மானிக்க இயலும். மேலும் இவ்வாறு சில interferometer கருவிகளை இணைப்பதன் மூலம் புவி அளவுடைய ஒன்றிற்கான மாற்றை உருவாக்க இயலும். இதன் உதவியினால் நம் பால்வழி அண்டத்தின் நடுவில் உள்ள SgrA* கருந்துளை மற்றும் விர்கோ A அண்டத்தின் நடுவில் உள்ள M87 எனும் கருத்துளையும் ஆராயப்பட்டது. இந்தக் கருவிகளிடமிருந்து பெறப்பட்ட தரவுகள் சேமிக்கப்பட்டு அவை அடுத்த கட்ட சோதனைக்கு அனுப்பப்பட்டன.
Image credit: Katie Bouman
Image credit: Katie Bouman
இப்பொழுது உங்களிடம் ஏராளமான புள்ளிகளுக்கான தரவுகள் உள்ளது எனக் கொள்வோம். சிறுவயதில் விளையாடிய ‘புள்ளிகளை இணைக்கவும்’ விளையாட்டினை நினைவில் கொள்க. அதே போன்று தான் இப்பொழுது பெறப்பட்ட தரவுகளை இணைத்தால் பல வடிவிலான முடிவுகள் கிடைக்கும். அதில் நமக்கு காண்பிக்கப்பட்டது அதிக அளவில் தத்ரூபமானது.
அடுத்து வரும் கட்டுரைகளில் இன்னும் அறிவியல்பூர்வமான விளக்கங்களைப் பார்க்கலாம்.
- வெ.சீனிவாசன்
- விவரங்கள்
- வி.சீனிவாசன்
- பிரிவு: விண்வெளி
சென்ற கட்டுரையில் இன்டெர்ஸ்டெல்லர் திரைப்படத்தினில் வரும் ஐந்து பரிமாணக் கோட்பாட்டினை பற்றிப் பார்த்தோம். இந்தக் கட்டுரையில் மேலும் சிலவற்றைப் பார்ப்போம்.
அந்தப் படத்தில் பேராசிரியர் ஜான் பிராண்ட் (Professor John Brand) , கூப்பரை (Cooper) முதலில் ஒரு ராக்கெட் மூலம் விண்வெளிக்கு அனுப்பி, அங்கிருந்து Endurance spacecraft மூலம் தொலைதூரப் பயணத்திற்கு அனுப்புவார். பூமியில் உள்ள அனைத்துப் பயிர்களும் அழிந்து போய், சோளம் மட்டுமே மிஞ்சி இருக்கும். அதுவும் அழிவின் விளிம்பில் இருக்கும் பட்சத்தில் மனிதர்கள் வாழ்வதற்கான மூன்று கிரகங்களை நோக்கிய பயணம் அது. அந்த கிரகங்களை இவருக்கு முன் சென்ற அறிவியலாளர்கள் கண்டறிந்து ஜான் பிராண்ட் அவர்களுக்குத் தெரியப்படுத்துவார்கள். அந்த மூன்று கிரகங்களுக்குச் சென்று, எதில் சரியான சாத்தியக்கூறுகள் உள்ளன என்பதைக் கண்டறிய வேண்டும். அந்த மூன்று கிரகங்களும் வெகு தொலைவில் உள்ள வேறு ஒரு விண்மீன் கூட்டத்தில் உள்ள கிரகங்கள். ஆகையினால் பேராசிரியர் ஜான் அவர்களே ஒரு வழியைச் சொல்வார். அதாவது புதிதாக சனி கிரகத்தின் அருகில் ஒரு wormhole உருவாகி இருப்பதாக சொல்வார். அதனுள் சென்றால் மிக எளிதாக அந்த கிரகங்களை அடையலாம் என்பார். இப்பொழுது இங்கு நாம் காண இருப்பது - அந்த wormhole என்பது என்ன ?? அவை ஏன் உருவாகின்றன? அவை எப்படி இரு அண்ட வெளிகளுக்கு இடையே குறுக்கு வழியாக அமைகின்றன?? என்பதைத்தான்.
wormhole என்பது செய்முறையாக உறுதி செய்யப்படாத பிரபஞ்சத்தின் எந்த இடத்திற்கும் சுலபமாக செல்ல உதவும் ஒரு குறுக்கு வழியாகும். அதாவது ஒரு குறிப்பிட்ட இடத்திற்குச் செல்ல சில நூறு அல்லது ஆயிரம் ஆண்டுகள் ஆகலாம். அவ்வாறு இருப்பின் இந்த wormhole மூலம் நாம் சில மணி நேரத்தில் கூட சென்று விடலாம் என்று வைத்துக் கொள்ளுங்கள். ஐன்ஸ்டீனின் பொது சார்பியல் கோட்பாடு இதனை விரிவாக விளக்குகிறது. குறுக்கு வழியில் எப்பொழுதும் ஏதாவது ஒரு பிரச்னை இருக்கும். அதுபோல இந்த wormhole ஊடே செல்லும் போதும் அதிகப்படியான கதிர்வீச்சு, எதிர்பாராத திருப்பங்கள் மற்றும் வெளி மண்டலத்தின் ஆபத்தான துகள்களுடனான தொடர்புகள் மிகப் பெரிய ஆபத்தாக முடியும்.
நாம் இன்று விண்ணில் காணும் நட்சத்திரங்கள் கூட மிக அதிக தொலைவில் உள்ளவை. இவ்வாறு நமது கண்ணுக்குத் தெரியாமல் இன்னும் எத்தனையோ உள்ளன. அவ்வாறு நமக்குத் தெரியும் நட்சத்திரங்களை சென்றடைய கூட நமக்கு சில நூறு வருடங்கள் அல்லது சில ஆயிரம் வருடங்கள் தேவைப்படும். அவ்வாறு உள்ள பொழுது இந்த Wormholes நமக்கு உதவியாக இருக்கும் என அறிவியலாளர்கள் கூறுகின்றனர். இவ்வாறு நாம் விவாதிப்பதற்க்கு இது மிக எளிதாக இருக்கலாம் . ஆனால் உண்மையில் இது மிகக் கடினமான செயல்கள் நிறைந்தவை. என்னுடைய முதல் கட்டுரையில் வானியில் ஆராய்ச்சியின் அடிப்படையில் நாகரிக வளர்ச்சியைப் பற்றி விவரித்து இருப்பேன். அதன் படி பார்த்தால் இந்த மாதிரியான பயணங்களுக்கு நமக்கு இன்னும் சில ஆயிரம் ஆண்டுகள் தேவைப்படும் என நினைக்கிறேன். ஏனெனில் நாம் இன்னும் மனிதனை அருகில் உள்ள செவ்வாய் கிரகத்திற்குக் கூட அழைத்துச் செல்லவில்லை. அப்படி இருக்கும் பொழுது எவ்வாறு பல லட்சம் கோடி கிலோமீட்டர் தொலைவில் உள்ள இடத்திற்குச் செல்வது?
Wormholes என்றால் என்ன?
Wormholes என்பது அண்ட வெளியில் இரு வேறு வெளி மற்றும் நேரத்தை இணைக்கும் ஒரு பாதை ஆகும். உதாரணமாக ஒரு காகிதத்தை எடுத்து, அதனை சரிபாதியாக மடித்துக் கொள்ளுங்கள். இப்பொழுது ஒரு பென்சிலை ஒரு பகுதியில் இருந்து இன்னொரு பகுதி வழியாக துளை போட்டு எடுங்கள். அந்தக் காகிதத்தில் உள்ள இரு துளைகள் இரு வேறு காலம் மற்றும் வெளிப் பகுதிகளை குறிக்கும். கற்பனையாக அந்த இரு துளைகளை இணைத்தால் உருவாகும் பாதையே Wormhole என கொள்ளப்படும்.
இதையே இப்பொழுது அண்ட வெளியில் கற்பனை செய்து பாருங்கள். ஐன்ஸ்டீனின் பொது சார்பியல் கோட்பாடு இதனை விரிவாக விளக்குகிறது. மேலும் இந்த Wormhole Einstein-Rosen bridge எனவும் அழைக்கப்படுகிறது.
அதீத ஈர்ப்பு விசை உள்ள Wormhole ன் ஒரு பக்கத்தில் குதித்து பல மில்லியன் ஒளி ஆண்டுகள் தொலைவில் உள்ள மற்றொரு பக்கத்தில் துரிதமாக சென்று விடலாம். இந்த Wormholes என்பது கோட்பாடுகள் சார்ந்து விளக்கும் பொழுது மிக எளிதாக இருக்கும். அதுவே செய்முறையாகப் பார்க்கும் பொழுது சாத்தியமில்லாத ஒன்றாகும் ( Just for now, might be in the future).
ஐன்ஸ்டீனின் பொது சார்பியல் கோட்பாட்டின் படி இந்த Wormhole பயணிக்கத் தகுதி இல்லாதவை அல்லது அதனின் ஊடே பயணிக்க இயலாத பாதைகள்.
உங்களால் Wormhole-ஐ உருவாக்க முடிகிறது எனக் கொள்வோம். அதனின் அதீத ஆற்றல் மற்றும் நிலையில்லா தன்மை ஆகிய காரணங்களினால் அது உடனடியாக நிலைகுலைந்து விடும். மேலும் நீங்கள் அதனுள் காலடி எடுத்து வைப்பீர்கள் எனில், உங்கள் அடுத்த காலடி ஒரு கருந்துளையினுள் இருக்கலாம்.
கடைசியாக உங்களால் ஒரு பயணிக்கக் கூடிய மற்றும் ஒரு நிலையான Wormhole ஐ உருவாக்க முடியும் எனக் கொள்வோம். ஆனால் அதன் தன்மையானது ஏதேனும் ஒரு பருப்பொருள், அதனைத் தொட்டவுடன் அதாவது அதனுள் நுழைய முற்பட்டவுடன் அதன் நிலைத்தன்மை கேள்விக்குறி ஆகி விடுகிறது.
ஆனாலும் நமக்கு இன்னும் சில வாய்ப்புகள் உள்ளன. அதாவது அறிவியலாளர்கள் இன்னமும் ஈர்ப்பு விசையையும், கற்றை இயங்கியல் கோட்பாட்டின் தன்மையையும் முழுமையாக ஆராயவில்லை. இந்த பிரபஞ்சத்திற்கு மட்டுமே அவை எவ்வாறு உருவாகின்றன எனத் தெரியும் என நாம் கொள்ளலாம். ஏனெனில் நாம் இன்னும் அதை அறிந்திருக்கவில்லை. இதுவரை Wormhole என்பது பெரு வெடிப்பின் ஒரு பகுதியாகவே பார்க்கப்படுகிறது. ஒட்டுமொத்த பிரபஞ்சத்தின் வெளி காலமும் ஒரு தனிப்புள்ளியில் கூடி இவற்றை உருவாக்குகிறது எனப் பார்க்கப்படுகிறது.
இந்த Wormhole தேடல் இன்னமும் நடந்து கொண்டு தான் இருக்கிறது. எப்படியெனில் நம்முடைய பூமியின் ஈர்ப்பு விசை எப்படி நம் நட்சத்திரத்தின் ஒளியை ஈர்த்து நமக்கு வேறு ஒரு தோற்றத்தைத் தருகிறதோ அதே போன்று Wormhole அதன் ஈர்ப்பு விசையின் மூலம் தன அருகில் உள்ள நட்சத்திரத்தின் ஒளியில் சில மாற்றத்தை ஏற்படுத்தும்.
இவ்வளவு அறிவியல் முன்னேற்றத்திலும் இன்னும் நம்மால் ஒரு Wormhole கூட கண்டுபிடிக்கப்படவில்லை.
இப்பொழுது முதல் பத்திக்குச் செல்லுங்கள்... கூப்பர் மற்றும் அவருடைய குழு Wormhole பயணம் முடித்து மறுபக்கம் சென்று விட்டார்கள்.
அடுத்து என்ன என்பதை வரும் கட்டுரைகளில் காண்போம்.
(தேடல் தொடரும்...!!!)
- வி.சீனிவாசன்
- விவரங்கள்
- வி.சீனிவாசன்
- பிரிவு: விண்வெளி
மனிதன் இன்று எத்தனையோ கண்டுபிடிப்புகள் செய்து அதனின் ஊடே தன்னை மிக சக்தி வாய்ந்த மற்றும் நன்கு முன்னேறிய நாகரிக மற்றும் தொழில்நுட்ப இனமாக கருதிக் கொண்டு இருக்கிறான். வேற்றுகிரகவாசிகளைத் தேடி பல விண்கலங்கள், செயற்கைக்கோள்கள் மற்றும் தொலைநோக்கிகளை விண்வெளியில் செலுத்திக் கொண்டு இருக்கிறான்.
சோவியத் ரஷ்யாவைச் சேர்ந்த வானியல் ஆய்வாளர் மற்றும் வான் இயற்பியலாளர் நிகோலாய் கார்டாஷேவ் என்பவர் 1964 இல் நாகரிகங்களை அதன் ஆற்றலை உள்வாங்கும் திறன் மற்றும் அதனை சரிவர பயன்படுத்தும் திறனை அடிப்படையாகக் கொண்டு வகைப்படுத்தினார்.
கர்தாஷேவ் அளவீடு ஒரு நாகரிகத்தின் நுண்ணறிவு அளவை அளவிடுவதற்கான ஒரு வழிமுறையாகும். இந்த இந்த அளவுகோள் அனுமானம், மற்றும் ஒரு அண்ட அளவிலான ஆற்றல் நுகர்வு குறித்து விவாதிக்கிறது. இந்த அளவின் பல்வேறு நீட்டிப்புகள் பின்வருமாறு முன்மொழியப்பட்டுள்ளன, இதில் பரந்த அளவிலான ஆற்றல் மட்டங்கள் (வகைகள் 0,I ,II ,III, IV ,V, VI மற்றும் VII) மற்றும் தூய சக்தியைத் தவிர வேறு அளவீடுகள் பயன்படுத்தப்படுகின்றன.
வகை I நாகரிகம் - ஒரு கோள்களின் நாகரிகம் என்றும் அழைக்கப்படுகிறது-அதன் தாய் நட்சத்திரத்திருலிருந்து கிரகத்தை அடையும் அனைத்து ஆற்றலையும் பயன்படுத்தவும் மற்றும் சேமிக்கவும் இயலும் (வெப்பம், ஹைட்ரோ, காற்று, போன்றவை). கர்தாஷேவ் அதை "பூமியில் தற்போது அடைந்த அளவில் நெருக்கமான தொழில்நுட்ப நிலை" என்று விவரித்தார்.
பூகம்பங்கள், வானிலை மற்றும் எரிமலைகள் போன்றவற்றை ஒரு கிரக நாகரிகத்தால் கட்டுப்படுத்த முடியும் என்று இயற்பியலாளர் Michio Kaku நினைக்கிறார், "மேலும் கடல் நகரங்களைக் கட்டும். அப்படியானால், நாம் இன்னும் அங்கு இல்லை. வகை 1 நிலை பெற எங்களுக்கு மற்றொரு 100-200 ஆண்டுகள் எடுக்கும் என்று நினைக்கிறேன். மேலும் மனித இனம் இப்போதைக்கு வகை 0.7 என வகைப்படுத்தலாம்" எனக் கூறுகிறார்.
நாம் வகை 1 நிலையை அடைந்து விட்டோம் எனக் கொள்வோம் , அடுத்தது என்ன? மற்ற கிரகங்களிலிருந்து எரிசக்தி வரையறையைப் பார்ப்பதற்கு, பூமியை விட்டு வெளியேறலாம். ஒரு நட்சத்திரத்தின் மொத்த ஆற்றலைப் பயன்படுத்தக்கூடிய ஒரு பரஸ்பர நாகரிகத்தை நாம் உருவாக்கினால், நாம் ஒரு வகை 2 நாகரிகத்தை அடைவோம்.
வகை II நாகரிகம் - நட்சத்திர நட்சத்திர நாகரிகம் என்றும் அழைக்கப்படுகின்றது-அதன் தாய் அதன் நட்சத்திரத்தின் மொத்த ஆற்றலையும் முழுமையாக உபயோகிக்க இயலும்.
ஒரு நட்சத்திரத்தின் ஆற்றலைக் கட்டுப்படுத்த ஒரு வழி, டிஸன் கோளம் எனப்படும் ஒரு மெகாஸ்டார் கட்டமைப்பை உருவாக்குவதாகும். இது 1960 ஆம் ஆண்டில் இயற்பியல் மற்றும் கணிதவியலாளர் ஃப்ரீமேன் டைசன் ஆகியோரின் ஆரம்ப யோசனை. அத்தகைய அமைப்பு பூமியின் பரப்பளவை விட சுமார் 600 மில்லியன் மடங்கு அதிகமாகும். இந்த ட்யசோன் கோளத்தைப் பற்றி வேறொரு கட்டுரையில் விரிவாகப் பாப்போம்.
வியக்கத்தக்க வகையில், டிஸன் கோளம் வேற்று கிரக வாழ்க்கைக்கு தேடலில் ஒரு முக்கிய அம்சமாகிவிட்டது. உங்களால் விண்வெளியில் ஒரு டிஸன் கோளம் கண்டுபிடிக்க முடியும் என்றால், வேற்று கிரகவாசிகள் மிகவும் தொலைவில் இல்லை என்று குறித்துக் கொள்ளுங்கள்.
வகை III நாகரிகம் - இது ஒரு கேலடிக் அல்லது அண்ட நாகரிகம் என்றும் அழைக்கப்படுகிறது-அதன் முழு அண்ட மண்டலத்தின் ஆற்றலை முழுமையாக கட்டுப்படுத்த முடியும். ஒரு வகை 3 நாகரிகம் என்பது பரிணாமத்தின் மற்றொரு ஒழுங்குமுறையாகும், அநேகமாக 100,000 ஆண்டுகள் அல்லது அதற்கு மேற்பட்ட காலம் எடுக்கும். கர்தாஷேவ் அதை "தனது சொந்த விண்மீன் அளவிலான ஆற்றல் கொண்ட ஒரு நாகரிகம்" என்று இதனை கூறுகிறார். ஆம், இந்த முன்னேற்றத்தை பெற முழு விண்மீன் சக்தியை நீங்கள் பெற வேண்டும்.
நாம் ரோபோக்கள் டிஸ்ஸான் ஸ்பெரெஸ் கட்டமைக்கின்ற காலகட்டத்தினைப் பற்றி இங்கு பேசுகிறோம், எல்லா விண்மீன்களுக்கும் மேலாக, இன்னும் அசைக்கமுடியாத விண்வெளி உந்துவிசை தொழில்நுட்பத்தை பற்றியும் இங்கு கூற வேண்டும். ஒருவேளை, இத்தகைய ஒரு நாகரிகம் கருந்துளைகளிலிருந்து எரிசக்தி பெறுதல் அல்லது ஆற்றல் உற்பத்தி செய்ய கூடிய நட்சத்திரத் தோற்றத்தை உருவாக்க முடியும்.
அத்தகைய முன்னேற்றத்திற்கு அடுத்தது என்ன? கர்தாஷேவ் இதன் பிறகு எந்த நாகரிகத்தையும் கருத்தில் கொள்ள வேண்டிய அவசியம் இல்லை எனக் கருதினார், ஆனால் பின்னர் முன்கணிப்பு செய்தவர்கள், வகை 4 நாகரிகம் ஒரு முழு பிரபஞ்சத்தின் ஆற்றலைக் கையாள முடியும் என்று முன்மொழிந்திருக்கிறார்கள், அதே நேரத்தில் வகை 5 பன்மையில், பல பிரபஞ்சங்களில் இருந்து ஆற்றலைக் கையாள முடியும் என்று கூறுகிறார்கள்.
வகை 6 பற்றி என்ன? நாம் இங்கே கடவுள் பொருட்களை பேசிக் கொண்டு இருக்கிறோம், நேரம் மற்றும் விண்வெளியை கட்டுப்படுத்தும் திறனும், விருப்பத்திற்கு ஏற்றவாறு பிரபஞ்சங்கள் உருவாக்கும் திறனையும் பற்றி பேசிக் கொண்டு இருக்கிறோம். வகை 7? நாம் கற்பனை கூட செய்து பார்க்கக்கூடாது.
- வி.சீனிவாசன்